Araz supermarketləri: 360-dan çox mağazada yanğın siqnalizasiyası və mərkəzi monitorinq

Yüzlərlə mağazası olan şəbəkə üçün əsas məsələ hər mağazada panel qurmaq deyil, hamısını bir yerdən idarə etməkdir. Hər mağazada yanğın siqnalizasiyası paneli, detektorlar, əl ilə xəbərdarlıq düymələri və sirenalar quraşdırılıb; panellər rabitə kanalı ilə mərkəzi monitorinqə qoşulub. Həyəcan və nasazlıq siqnalları real vaxtda mərkəzi ofisdə görünür, cavab tədbirləri dərhal təşkil olunur.

Mağaza şəbəkəsinin ikinci xüsusiyyəti daimi dəyişiklikdir: yeni mağazalar açılır, mövcudlar yenidən planlaşdırılır. Standart layihə və eyni avadanlıq xətti sayəsində yeni obyekt qısa müddətdə eyni sxemlə sistemə qoşulur, ehtiyat hissələri və texniklərin təlimi bütün şəbəkə üçün eynidir.

Hazırda bütün mağazalarda sistemlərin dövri texniki xidmətini aparırıq: detektorların yoxlanılması və təmizlənməsi, akkumulyatorların dəyişdirilməsi, rabitə kanallarının testi, FHN yoxlamaları üçün sənədlər. Eyni yanaşma Bazarstore və Azza Gastronom şəbəkələrində tətbiq olunub. Mağaza, restoran və ya aptek şəbəkəsi üçün vahid yanğın siqnalizasiyası lazımdırsa, obyektlərin siyahısını göndərin.