Pərakəndə şəbəkə · Azərbaycan

Bazarstore: mağazalar şəbəkəsində yanğın siqnalizasiyası və mərkəzi monitorinq

Bazarstore Azersun Holding-in 2011-ci ildə yaratdığı supermarket şəbəkəsidir; mağazaları Bakıda, Sumqayıtda, Gəncədə və rayonlarda işləyir. Əməkdaşlıq dövründə şəbəkənin 200-dən çox obyektində yanğın siqnalizasiyası sistemləri quraşdırmışıq; sistemlər mərkəzi ofisdən izlənir və hazırda bizim texniki xidmətimizdədir.

Obyekt: Bazarstore şəbəkəsi
Status: Xidmətdə
Sistemlər: Yanğın siqnalizasiyası, 200+ obyekt (əməkdaşlıq dövründə)
İşin əhatəsi: Quraşdırma · mərkəzi monitorinq · xidmət

Quraşdırılan sistemlər

İş haqqında

İşin məzmunu

Supermarketdə yanğın siqnalizasiyasının iki tipik zonası var: ticarət zalı və anbar-texniki sahələr (soyuducu avadanlıq, elektrik şkafları, çörəkxana). Hər mağazada panel, detektorlar, əl ilə xəbərdarlıq düymələri və sirenalar quraşdırılıb, zonalar mağazanın planına görə bölünüb. Panellər mərkəzi monitorinqə qoşulub: həyəcan və nasazlıq siqnalları mərkəzi ofisdə real vaxtda görünür.

Şəbəkə üçün standart layihə tətbiq etmişik: eyni avadanlıq, eyni sxem, eyni sənədləşmə. Bu, yeni mağazanın qısa müddətdə qoşulmasına və texniki xidmətin bütün obyektlərdə eyni keyfiyyətdə aparılmasına imkan verir.

Hazırda sistemlərin dövri texniki xidmətini aparırıq: detektorların yoxlanılması, akkumulyatorların dəyişdirilməsi, rabitə testləri və FHN yoxlamaları üçün sənədlər. Araz və Azza Gastronom şəbəkələrində də eyni model işləyir. Mağaza şəbəkəsi üçün vahid yanğın siqnalizasiyası lazımdırsa, obyektlərin siyahısını göndərin.

Əlaqə