Stadion · Bakı

Bakı Olimpiya Stadionu: su dumanı və FM-200 yanğınsöndürmə

Bakı Olimpiya Stadionu 2015-ci ilin martında, I Avropa Oyunları ərəfəsində açılıb: Böyükşor gölünün yanında, 60 metr hündürlükdə, altı səviyyəli, 68 mindən çox tamaşaçı yeri olan ölkənin ən böyük stadionudur. Burada su dumanı və FM-200 yanğınsöndürmə sistemlərinin quraşdırılmasında iştirak etmişik və hər iki sistemə texniki xidmət göstəririk.

Obyekt: Bakı Olimpiya Stadionu
Status: Xidmətdə
Sistemlər: Su dumanı + FM-200
İşin əhatəsi: Quraşdırma · xidmət

Quraşdırılan sistemlər

İş haqqında

İşin məzmunu

On minlərlə insanın eyni vaxtda olduğu obyektdə söndürmə sistemi həm effektiv, həm də insanlar üçün təhlükəsiz olmalıdır. İctimai zonalarda su dumanı sistemi seçilib: yüksək təzyiqlə püskürdülən mikro damcılar alovu soyudur və oksigeni sıxışdırır, adi sprinklerlərə nisbətən dəfələrlə az su sərf edir və zərər vermir. Texniki və elektrik otaqlarında, avadanlığın cəmləşdiyi yerlərdə isə FM-200 qazlı söndürmə quraşdırılıb.

Stadion UEFA və FIFA standartlarına uyğun tikilib və beynəlxalq yarışlar qəbul edir, ona görə sistemlərin hazırlığı matç və tədbir təqviminə bağlanır. Dövri xidmət zamanı nasos stansiyası və su dumanı xətləri, FM-200 balonlarının təzyiqi, detektorlar və idarəetmə panelləri yoxlanılır, test nəticələri sənədləşdirilir.

Nasazlıq halında komandamız çağırışla gəlir və sistemi iş vəziyyətinə qaytarır. Hər iki sistem üzrə xidmət davam edir. İdman, konsert və ya sərgi obyekti üçün söndürmə sistemi planlaşdırırsınızsa, layihəni göndərin: sistem tipini və hesablamanı hazırlayaq.

Əlaqə