Dövlət obyekti · Dövlət Gömrük Komitəsi

Xanoba gömrük postu: yanğın siqnalizasiyası və mərkəzi monitorinq

Xanoba gömrük postu Xaçmaz rayonunda, Azərbaycan-Rusiya sərhədində yerləşir və Şimal-Cənub nəqliyyat dəhlizinin əsas keçid məntəqələrindəndir; yenidən qurulmuş post 2023-cü ilin martında açılıb və 24 saat işləyir. Dövlət Gömrük Komitəsinin Şimal Regional Baş Gömrük İdarəsinin bu postunda yanğın siqnalizasiyası sistemini quraşdırmışıq; sistem mərkəzi monitorinqə qoşulub və hazırda bizim texniki xidmətimizdədir.

Obyekt: Dövlət Gömrük Komitəsi, Xanoba postu
Status: Xidmətdə
Sistemlər: Yanğın siqnalizasiyası
İşin əhatəsi: Quraşdırma · mərkəzi monitorinq · xidmət

Quraşdırılan sistemlər

İş haqqında

İşin məzmunu

Gömrük postu bir bina deyil, bir neçə hektarlıq kompleksdir: inzibati bina, skaner və yoxlama sahələri, idxal-ixrac terminalı, yük anbarları və xidmət binaları. Hər bina üçün ayrı zonalar müəyyən edilib, detektorlar binanın təyinatına görə seçilib: ofis sahələrində tüstü detektorları, anbar və texniki zonalarda hündürlüyə uyğun yerləşmə. Bütün panellər vahid sistemə birləşdirilib.

Sərhəd keçid məntəqəsi dayanmır, ona görə sistem də dayana bilməz. Panellər mərkəzi monitorinqə qoşulub: həyəcan və nasazlıq siqnalları real vaxtda izlənir, cavab tədbirləri dərhal təşkil olunur. Dövlət obyektinə xas sənədləşmə və yoxlama tələbləri nəzərə alınıb.

Hazırda sistemin dövri texniki xidmətini aparırıq: detektorların və xəbərdarlıq cihazlarının yoxlanılması, ehtiyat qidalanmanın testi, rabitə kanallarının nəzarəti, FHN yoxlamaları üçün sənədlər. Dövlət obyekti, terminal və ya logistika mərkəzi üçün yanğın siqnalizasiyası lazımdırsa, layihəni göndərin.

Əlaqə