İstehsalat · Azərbaycan

Xırman MMC fabriki: istehsalat üçün CCTV və yanğın siqnalizasiyası

Xırman MMC 1997-ci ildən fəaliyyət göstərən qida istehsalçısıdır: Bakının Binəqədi rayonunda un dəyirmanı və çörək fabriki işləyir. Fabrikin istehsalat sahələri və anbarları üçün video-müşahidə və yanğın siqnalizasiyası sistemlərini quraşdırmışıq və hazırda texniki xidmətini aparırıq.

Obyekt: Xırman MMC
Status: Xidmətdə
Sistemlər: CCTV + yanğın siqnalizasiyası
İşin əhatəsi: Quraşdırma · xidmət

Quraşdırılan sistemlər

İş haqqında

İşin məzmunu

Un və taxıl istehsalı yanğın baxımından xüsusi haldır: un tozu havada partlayış təhlükəli qatılığa çata bilir, isti avadanlıq və uzun konveyer xətləri var. Ona görə detektorların tipi sahəyə görə seçilib: tozlu zonalarda istilik detektorları, ofis və köməkçi otaqlarda tüstü detektorları; anbarlarda isə tavan hündürlüyünə uyğun yerləşmə. Sistem obyektin tələblərinə uyğun layihələndirilib və bir panelə inteqrasiya edilib.

Video-müşahidə istehsalat xətlərini, yükləmə sahələrini, anbar girişlərini və ərazini əhatə edir: həm təhlükəsizlik, həm də texnoloji proseslərə nəzarət üçün. Kameralar toz və temperatura davamlı korpuslarda, görüntü qeydiyyat avadanlığına yazılır.

İstehsalatda detektorlar və kameralar adi ofisə nisbətən tez çirklənir, ona görə dövri xidmətdə təmizləmə və yenidən kalibrləmə əsas yer tutur. Hazırda sistemlərin texniki xidmətini aparırıq. Fabrik, sex və ya anbar üçün yanğın və kamera sistemi lazımdırsa, obyektə baxışa gəlirik.

Əlaqə